WEEMIN O’ THE WORD
ST JOHN IV V7
In days gone by, dear freens, we met
Some weemin’ at a wal’,
But this lass o’ Samaria
Knocks spots upon them al’.
She tried the merryin’ five times,
A record reach’d bae few,
An’ then she tried the ither plan
We know as “stickin’-to.”
Thus she appear’d at Jacob’s wal’,
Whar Jesus weary sat,
An’ whun the confab that ensued
Juist seem’d like tit-fur-tat.
“Gee me tae drink,” Jesus first said,
Whun she retorted na’,
“The Jews wae the Samaritans
Nae dalein’s hae ava.”
Again, an’ yit again He said,
But she aye answer’d ba’k.
It lucked as she wuz gan tae hae
The last word o’ the cra’k.
But whun He telt her that He wuz
The rael Messias true,
She left her pitcher an’ hir stitch,
Bicht tae the city flew.
Hir testimony bore much fruit,
Fur monie there believed
Wha came an’ hard Christ fur thimsel’s,
An’ al’ His words received.
Dear sisters, whun ye meet the Lord,
Nae odds whut, ye hae been,
Pitch pitchers an’ al’ else aside,
An’ let the truth be seen.
An’ God shall bliss yer efforts sure,
An’ set yer hearts aflame,
An monie shall come richt till Him,
Al’ glory tae His name.
A.L.F. 16th September 1916