ADDRESSED TO THE NEW LORD PRIMATE OF ALL IRELAND

ADDRESSED TO THE NEW LORD PRIMATE OF ALL IRELAND
THE MOST REV. DR. CROZIER

Dear Sur, Juist noo, tae auld Armagh
We turn oor mental e’en,
An’ think wae joy hoo lang it has
Adorned this Isle sae green,
Tae which the ither coonties guid
Wae riverance bow the knee,
Becas in it thir still remains
Ye ancient Holy See.

Consecrated lang, lang ago,
By St. Patrick himsel’,
Against which naethin’ shall prevail
No e’en the gates o’ hell;
Since whun the maist learn’d godly men
Ha’e steer’d the Church at hame,
Proclaimin’ Christ hir lievin’ heid,
O’ whom nane need think shame.

Anither link in Primate’s chain,
Sae lang, an’ guid, an’ true,
Ye mak’ wae honour, noble sur,
That only comes tae few;
Oor wishes best, an’ prayers ascend
That God may grant ye licht,
An’ help ye kerry on the work,
Weel-pleasin’ in His sicht.

The little cloud that some noo see,
Nae bigger than a hand,
We trust wul’ niver spread tae hurt
Oor dear auld Ireland;
Bit that releegin an’ guid times
May on the Irish fal’;
That yours be a lang, fruitfoo reign
As Primate ower al’.

Young Nummer, Cullybackey, 18th March 1911

Total Page Visits: 328 - Today Page Visits: 1